* Tíðindabræv  
* Veðrið
* AIS
* RadarBox

Stuðlar























Fylg okkum á Facebook

 




 

Heilsutrygd bíðar við at avgreiða málini, inntil løgtingið hevur talað.

Leivur Hansen

Heilsutrygd hevur ongar viðmerkingar í løtuni til avgerðina hjá Kærunevndini í almanna- og heilsumálum frá 22. mars, sum gevur Dánjali Jákupi Meinertsson, maskinmeistara, á Norðoyri, viðhald í kravi sínum um at fáa afturgoldið heilsutrygdargjaldið, sum hann rindaði, meðan hann sigldi við norskum skipi í 2013/2014.

-Vit hava enn ikki viðgjørt avgerðina hjá Kærunevndini í almanna- og heilsumálum, og ynskja tí ikki at gera aðrar viðmerkingar til málið nú, sigur Egil á Bø, stjóri í Heilsutrygd.

Hann sigur tó, at samsvar ikki er millum heilsutrygdarlógina og norðurlendska sáttmálan um sosiala trygging, tá ið ræður um frítøku fyri at rinda heilsutrygdargjald.

Tí viðger løgtingið í hesum døgum “Uppskot til løgtingslóg um broyting í løgtingslóg um heilsutrygd (Heilsutrygdarlógin) (Undantak fyri gjaldskyldu)”.

-Sum Heilsutrygd hevur kunnað um á heimasíðuni, so hava vit eftir tilmæli frá Heilsu- og innlendismálaráðnum bíðað við at avgreiða málini um frítøku fyri heilsutrygdargjald, inntil lógaruppskotið er viðgjørt í Løgtinginum, sigur Egil á Bø.

Heilsutrygd fær við eini møguligari broyting heimild í lógini til at frítaka ávísar borgarar fyri at rinda heilsutrygdargjald. 

Sambært stjóranum í Heilsutrygd hava umleið 110 “útisiglarar” vent sær til Heilsutrygd við umsókn um at verða frítiknir fyri at gjalda heilsutrygdargjald.