* Tíðindabræv  
* Veðrið
* AIS
* RadarBox

Stuðlar























Fylg okkum á Facebook

 




 

Bjargingarskip í Miðjarðarhavinum við 120 flóttafólkum

Ferðin tvørtur um Miðjarðarhavið hesa ársins tíð er sera vandamikil. Nógv flóttafólk uppliva lágan likamshita.

 

Ocean Viking, sum siglir undir norskum flaggi, boðaði mikidagin frá, at tað hevur tikið 30 flóttafólk upp úr ein báti í Miðjarðarhavinum, sum hevði trupulleikar. Báturin lá út fyri libysku strondini.

 

Sostatt eru 120 flóttafólk umborð á skipinum í løtuni.

 

Týsdagin tók skipið 94 flóttafólk upp úr einum gummibáti, sum var tætt við at søkka út fyri libysku strondina. Millum flóttafólkini vóru 11 kvinnur, og fýra teirra vóru við barn.

 

Seks børn vóru í gummibátinum, upplýsir “SOS Méditerranée” á Twitter.

 

Neyðhjálparfelagsskapurin, Læknar uttan landamørk, skrivar á Twitter, at tey sóu ein bát, sum var í trupulleikum mikudagin, og tey tóku 30 fólk umborð.

 

Tey 30, sum er bjargað, siga, at tey hava havt tað trupult á havinum síðani týskvøldið.

 

Felagsskapurin, Læknar uttan Landamørk og SOS Méditerranée, gera arbeiðið sjálvboðið.

 

Ferðin tvørturum Miðjarðarhavið hesa ársins tíð er sera vandamikil fyri gestaarbeiðarar og flóttafólk, sum fara út við søkkladnum bátum. Vandin fyri at verða køldur nógv er stórur.

 

Síðsta mánaða sigldi Ocean Viking 176 gestaarbeiðarar til havnarbýin, Taranto, í Italia. Fyri umleið tveimum mánaðum síðani kom skipið inn við meira enn 100 skipum til eina havn á Sisilia.

 

Eftir politiskt stríð og løgfrøðiligar ósemjur gav italska stjórnin skipinum loyvið at koma til bryggju.

 

Kelda: Shippingwatch