* Tíðindabræv  
* Veðrið
* AIS
* RadarBox

Stuðlar























Fylg okkum á Facebook

 




 
Eldurin kom fríggjadagin í nýggju el-ferjuna, Svelvik.

Manning er send á sjúkrahús. “Vit síggja ógvuliga álvarsliga upp á hetta,” sigur Øyvind Lund, CEO í Bastø Fosen.

 

Seinnapartin fríggjadagin kyknaði eldur umborð á nýggju el-ferjuni, MF Svelvik, sum siglir á farleiðini Svelvik-Verket í Noregi.

 

Øll tilbúgvingarlið fóru á staðið, tá tað frættist, at eldur var í nýggju el-ferjuni. Fyrst var sagt, at eingin hevði fingið skaða, men seinni gjørdist greitt, at í hvussu er ein av manningini varð koyrdur á sjúkrahús, tí hann hann hevði fingið royk í seg undir sløkkiarbeiðnum.

 

Sambært átaksleiðaranum, Tore Solberg, sum arbeiði hjá løgverjuni í Oslo, skulu tríggir av manningini framvegis vera umborð á ferjuni, og eldurin er eisini sløktur. Eingi ferðafólk fingu skaða.

 

Lagt verður dent á, at eldurin hvørki kyknaði í motorrúminum ella í ravlaðs-/battarírúminum.

 

Øyvind Lund í Bastø/Fosen sigur, at tey síggja álvarsliga upp á hendingina. Henn leggur dent á, at hetta verður eitt reklamasjónsmál mótvegis skipasmiðjuni í Turkalandi.

 

Kelda: Skipsrevyen