Hægri kostnaðir í bingjuflutninginum
Kostnaðurin at senda eina bingju úr Kina
hækkaði í farnu viku við meira enn einum prosenti.
Á týdningarmiklu
farleiðini til Norðurevropa hækkaði kostnaðurin fyri 20-fóts-bingjur við 53
dollarum upp í 848 dollarar.
Hækkingin varð
ásett nú áðrenn 1. juni, tá fleiri stór bingjureiðarí hava boðað frá
kostnaðarhækkingum. Sambært The Loadstar fer CMA CGM at krevja 950 dollarar
fyri eina 20-fóts-bingju til Miðjarðarhavið, og Hapag-Lloyd fer at krevja 1200
dollarar fyri eina 20-fóts-bingju.
Tað kemur kortini
sjáldan fyri, at fráboðaða hækkingin verður gjørt í tann mun, ætlað verður.
Fráboðanirnar eru eisini partur av marknaðarátøkum, har eitt reiðarí boðar frá
hækkingum, og samstundis vónar, at onnur reiðarí tískil fara at gera tað sama.
Soleiðis eydnast
tað onkuntíð at hækka kostnaðirnar á marknaðinum sum heild, uttan at talan
kortini er um kartellvirksemi.
Sum oftast vísir
kappingin á marknaðinum at hava við sær, at dýrastu reiðaríini skjótt seta
kostnaðirnar niðuraftur.
Shanghai
Containerized Freight Index er sett saman av kostnaðum fyri farm til 15 mál
kring um í heiminum. Indeksið var av tí lægsta í mars í ár, tá tað kom niður á
568,68 stig.
Kelda: Søfart
