* Tíðindabræv  
* Veðrið
* AIS
* RadarBox

Stuðlar
























Fylg okkum á Facebook

 




 

IEA eggjar Norra til at framleiða meiri olju og gass

«Norra eigur at halda fram við politikki sínum at gagnnýta olju- og gasstilfeingið, bæði tí olju- og gassøkið hevur stóran búskaparligan týdning, framleitt verður við lutfalsliga lágum útlátum, og tí hon hevur týdning fyri veitingartrygdina hjá Evropa", stendur í nýggjastu IEA-metingini av norska orkupolitikkinum.

IEA sigur seg stúra fyri, at heimurin kann gerast bundin av olju og gassi úr óstøðugum londum í Miðeystri.

Orkustovnurin vísir á, at tørvur er á 70 miljónir tunnum av olju hvønn einasta dag.

– Hvaðani skal henda oljan koma? Minka íløgurnar í OECD-londunum, fer stórur partur av framtíðar oljuni at koma úr Miðeystri. Hetta fær avleiðingar fyri orkutrygdina. Tí heita vit á lond sum Norra, Brasil, Meksiko, Kanada og USA um at økja sína framleiðslu, sigur varastjórin í IEA, Paul Simons.

Offisiell åpning av Ivar Aasen-feltet.

Norski olju- og orkumálaráðharrin Terje Søviknes heldur, at metingin hjá IEA er eitt týdningarmikið íkast í orðaskiftinum um oljuútvinning í norði. MYND: HÅKON MOSVOLD LARSEN / NTB SCANPIX

Stórt tilfeingi

Fjórða ella fimtahvørt ár viðger altjóða orkustovnurin IEA orkupolitikkin hjá limalondunum.

Í nýggjastu eftirmetingini av norska orkupolitikkinum vísir orkustovnurin á, at Norra er eitt stórveldi í orkuhøpi og ein rættiliga stórur útflytari av olju og gassi, men eisini týdningarmikil sum útflytari av reinari vatnorku.

Í frágreiðingini vísir IEA á, at stórt orkutilfeingi framvegis er eftir í norsku undirgrundini. Bert ein triðingur av gassinum og helmingurin av ávístu oljunøgdini eru tikin upp. Hóast heimurin sum heild noyðist at avmarka CO2-útlát síni munandi, er framvegis tørvur á meiri olju og gassi.

Og her hevur Norra ein týdningarmiklan leiklut, stendur í frágreiðingini.

Nýggj øki

IEA vísir eisini á, at tilfeingið í Norðsjónum ikki verður nógmikið í framtíðini, og at oljuídnaðurin eigur at fáa atgongd til nýggj øki.

– Hetta er ein týdningarmikil boðskapur í norska orðaskiftinum um oljuútvinning í norði og í Barentshavinum. Stjórnin er til reiðar at tilluta nýggj øki í Barentshavinum til olju- og gassfeløgini, sigur Terje Søviknes, olju- og orkumálaráðharri.

– Lata eyguni aftur

Halvard Raavand

Halvard Raavand í Greenpeace heldur, at IEA tekur feil. MYND: GREENPEACE

Greenpeace heldur, at IEA letur eyguni aftur fyri, at vit standa mitt í eini orkukollvelting við varandi orkukeldum og heldur, at metingin hjá orkustovninum av framtíðar brúki av fossilari orku, er skeiv.

– Rætt og slætt tí at varandi orka bæði er bíligari og burðardyggari, sigur politiski ráðgevin hjá Greenpeace Noreg, Halvard Raavand.

Hann stúrir fyri, at Terje Søviknes olju- og orkumálaráharri og partar av politiska Norra lesur frágreiðingina hjá IEA sum hin grábeinti lesur Bíbliuna.

– Heiminum tørvar meiri varandi orku, og ikki meira fossila orku, sigur Halvard Raavand.

Kelda: nrk.no