Hol kom í reikferðaskip við Svalbard

140 metrar langa reikferðaskipið Ocean Atlantic fekk hol í botnin í farnu viku, eftir at hava rakt eina fles ella ísfjall við Svalbard. Tað eydnaðist manningini at steðga lekanum, men norsku myndugleikarnir hava lagt hald á tað.

 

“Vit fingu fráboðan frá einum óttafullum fólki um, at sjógvur kom inn í skipið. Hetta er ikki boða okkum frá, og tískil hava vit tikið avgerð um at halda skipinum aftur,” sigur Dag Inge Aarhus, samskiftisstjóri í Sjóferðslustýrinum, við Svalbardposten.

 

Síðan sendi sjóferðslustýrið sjóverjuskipið, Andenes, út til reikferðaskipið, til tess at fylgja tí til Longyearbýin, og har liggur reikferðaskipið nú.

 

Ocean Atlantic er smíðað í 1986, og tað siglir undir portugisiskum flaggi. 12.796 GT stóra reikferðaskipið hevur eina manning upp á 140, og pláss er fyri 198 gestum umborð.

 

Reikferðaskipið er í fastari sigling fyri danska ferðavinnufelagið, Albatros.

 

Kelda: Maritimedanmark