* Tíðindabræv  
* Veðrið
* AIS
* RadarBox

Stuðlar























Fylg okkum á Facebook

 




 

Maersk keypir møguliga tíggju feeder-skip

Maersk er í løtuni í samráðingum við eina kinesiska skipasmiðju um at keypa fimm feeder-skip. Møguliga avtalan fer at bera í sær ein forkeypsrætt upp á fimm feeder-skip aftrat.

 

Tað er Wall Street Journal, sum hevur tíðindini sambært Shippingwatch.

 

Keldur upplýsa fyri blaðnum, at Maersk Line í løtuni leitar eftir fimm skipum við forkeypsrætti upp á fimm skip aftrat, sum fara at kosta 25 mió. dollarar hvørt. Sambært blaðnum verður handilin gjøgnumførdur í januar 2019.

 

Tað var miðilin TradeWinds, sum í farnu viku visti at siga, at Maersk samráddist við kinesisku skipasmiðjuna um fimm skip, men nú veit Wall Street Journal altso at siga, at talan ivaleyst verður um fimm skip aftrat.

 

Wall Street Journal skrivar, at prísurin á feeder-skipum, sum ferma farm til og frá stórum skipum, sum t.d. ikki sleppa at bryggju, er hækkaður seinastu tvey árini.

 

Kelda: Shippingwatch/Wall Street Journal og TradeWinds