Maersk Tankers ætlar at minka ferðina á tangabátum
Í eini roynd at lækka útreiðslurnar á einum
marknaði undir trýsti, ætlar Maersk Tankers at minka um ferðina á tangabátum.
Søfart skrivar, at
Maersk var millum tey fyrstu at seta ferðina niður á ballastferðum aftaná fíggjarkreppuna,
og nú, inntøkurnar á “product-tanker-marknaðinum” eru tær lægstu í 10 ár, er
Maersk Tankers í samráðingum við viðskiftafólkini um at lækka ferðina á
fulllastaðum skipum.
Søfart endurgevur í
hesum sambandi Tradewinds.
- Vit hugsa um
leiðir, sum ikki eru so tíðarbundnar, har minni ferð kann lækka útreiðslurnar á
brennievni, og sostatt koma viðskiftafólkum og samstarvsfeløgum væl við, sigur
Claus Grønborg, handils- og viðskiftastjóri í Maersk Tankers.
Hann sigur, at við
at minka um ferðina við bara hálvari míl á skipum við fullari last – úr 12
mílum, ber til at minka um nýtsluna av brennievni við 10 prosentum. Mangan er
tað eisini soleiðis, at tangabátarnir noyðast at bíða í fleir dagar, eftir at
teir eru komnir í havn, áðrenn byrjað verður at lossa.
Kelda: Søfart og
Tradewinds
