* Tíðindabræv  
* Veðrið
* AIS
* RadarBox

Stuðlar























Fylg okkum á Facebook

 




 

Samskipandi eind skal tryggja Breksáttmálan í verki

Samskipandi eindin skal tryggja, at sáttmáli sameindu tjóða um rættindi hjá einstaklingum, sum bera brek – Breksáttmálin – virkar í verki á øllum økjum.

Hvørt landsstýrisfólk hevur ábyrgd av, at Breksáttmálin er settur í verk á sínum øki og hevur tilnevnt lim í samskipandi eindina, sum hevði sín fyrsta fund í morgun.

Landsstýrisfólkini eru á einum máli um, at tað er av stórum týdningi, at hetta arbeiðið verður samskipað millum ráðini, so allir okkara borgarar fáa eins góðar sømdir og møguleikar at taka lut í dagsins samfelag.

Yvirskipaða endamálið við samskipandi eindini er at tryggja samanhang í brekpolitisku ætlanum landsstýrisins. Samskipandi eindin fer at umrøða forðingar í samfelagnum hjá fólki, ið bera brek at virka á jøvnum føti við onnur, eins og eindin fer at taka upp brekpolitiskar spurningar við áhugafelagsskapir og onnur viðkomandi.

Uppgávan hjá limunum í samskipandi eindini er at tryggja, at politikkir, skipanir og reglur o.a. á teirra øki eru í samsvari við Breksáttmálan.

Samstundis fer samskipandi eindin at orða eina brekpolitiska virkisætlan fyri Føroyar, ið fevnir um øll rættindi og týðandi øki, sum sáttmálin fevnir um.

Limirnir í samskipandi eindini eru: Páll Holm Johannesen, Løgmansskrivstovan, Egon Joensen, Fíggjarmálaráðið, Hanna í Horni, Uttanríkis- og vinnumálaráðið, Andras Marr Poulsen, Fiskimálaráðið, Frida Poulsen, Mentamálaráðið, Kristianna Larsen á Lofti, Heilsu- og innlendismálaráðið, Barbara Álvsdóttir Thomsen, Samferðslumálaráðið, Jákup Andrias Kristiansen og Jeanette Ellefsen Blaasvær, sum eisini er forkvinna, Almannamálaráðið.

Kelda: Heilsu- og Innlendismálaráðið