* Tíðindabræv  
* Veðrið
* AIS
* RadarBox

Stuðlar























Fylg okkum á Facebook

 




 

Shell er á veg at siga upp meira enn 200 starvsfólk í Norra, upplýsir fakfelagið hjá oljuarbeiðarunum, SAFE. Shell ætlar at niðurleggja 75 føst størv og 156 sáttmálasett, tí verkætlanir á Nyhamna-anlegginum og Draugen økinum í Norskahavinum eru um at vera lidnar.

Sambært fakfelagnum verða 90 meðarbeiðarar sendir heim av Nyhamna, harav 75 byggifrøðingar. Ikki er greitt, hvussu býtið er á Draugen, skrivar Offshore Energy Today, sum hevur roynt at fingið eina viðmerking frá Shell, ið ikki hevur vent aftur eftir áheitanina. 

Norwegian Oil and Gas Association, ið umboðar arbeiðsgevararnar, er eisini biðið um eina viðmerking. Talsmaðurin hjá felagsskapinum hevur boðað frá, at tey ongar viðmerkingar hava til málið.

Kelda: Offshore Energy Today