* Tíðindabræv  
* Veðrið
* AIS
* RadarBox

Stuðlar























Fylg okkum á Facebook

 




 

Vilja herða eftirlit av norðurkoreiskum skipum

Avstralski forsætisráðharrin, Malcolm Turnbull, sigur, at hann er tilreiðar at senda hernaðarflogfør at hava eftirlit við norðurkoreiskum skipum, sum sigla við farmi, ið ST-lond hava banna teimum at sigla við.

 

Og kanadiska stjórnin boðar frá, at eisini Kanada fer at senda flogfør at hava eftirlit við koreiskum skipum. Ætlanin er, at flogførini hjá Avstralia og Kanada skulu halda til á amerikonsku herflotastøðini, Kaden, í Japan.

 

Fráboðanirnar hjá Avstralia og Kanada komu dagin eftir at suður- og norðurkoreisku leiðararnir avtalaðu, at beinast skal fyri øllum kjarnorkuvápnum í londunum báðum.

 

Avstralia, sum er ein av sameindu hjá USA, lovar samstundis at varðveita búskaparliga- og diplomatiska trýstið á Norðurkorea.

 

Avstralski forsætisráðharrin, Turnball, og uttanríkisráðharrin, Julie Bishop, siga, at trýstið framhaldandi verður lagt á Norðurkorea júst fyri at gera sítt til at beina fyri øllum kjarnorkuvápnum á Koreisku hálvoynni.

 

Myndatekstur: Norðurkoreisk farmaskip liggja og bíða eftir loyvi at sigla.

 

Á niðaru myndini síggja vit amerikanska hernaðarflogvøllin í Japan, Kadena.

 

Kelda: MarineLink